到達皇宮時已三時多了，噢，真的關門...
唯有在外拍照
沒進去，真的有點可惜
皇宮對面是教堂，我打趣說"唔駛行皇宮，慢慢坐都得啦~"
影東影西，影了這街燈
有時間，拿出這post card，把擬好的稿寫上，寄給想念我們的miss strange
你睇，mr.拉人生同elmo幾八卦...
"我mr.拉人生唔係八卦，只係好奇寫咩俾我老細啫...老細，我本來約左皇宮保安做交流ga，不過我遲左law...唔好...唔好...唔好扣我人工呀...."
呢個畫面之後，我對琪姐姐說"我好暈呀..."真係好突然好突然，半秒之前仲係嘻嘻哈哈，半秒後就暈到...嘔。嘔，我咁大個女第一次嘔(回家後曾向媽媽求証的)，一大袋，冇啦，頭先食咁好味既野，嘔哂，嘥哂呢~嘔完之後神奇地清醒，我以為冇事，走去掉左袋嘔吐物，返黎坐低又暈(琪姐姐之後話我聽我塊面白哂)。坐左好耐，之後琪姐姐就安排我坐後面有柱俟既地方，又坐左好耐，我有瞓着，回返神發現自己仲係暈好唔掂，就諗"要快d好"，諗起復元臥式咪瞓低，跟住就想便便，哎呀，好想返hostel呢，琪姐姐一直在我身邊，一直盤算點好，佢問我"去醫院好唔好?"我擰頭"揾警察好唔好?"我又擰頭"搭的士返hostel好唔好?" 好好好，完全係我想做既野"你行唔行到?" 行唔到都要行!!於是係琪姐姐扶持下，走下樓梯，冇幾步，琪姐姐話佢去揾的士，叫我坐低等，又嘔啦，又一袋啦，之後又起身行，我感覺到我隻眼撐得好大，因為我眼前所有景物都發白，最後又再一次坐在路旁，見到的士，一鼓作氣上車。返到去扶牆入屋，去完洗手間第一時間食止暈止嘔藥，啊，冚左好多件被都仲係好凍，話瞓，其實唔係真係瞓到，因為個頭好唔舒服(又係我咁大個女都未試過個頭咁痛呢)。冇事啦，不過，琪姐姐，抱歉啦，原定行Gran Via行程因我取消了... 仲有，多謝妳，好彩有妳呢~
.
點解會暈?又係一段古...
No comments:
Post a Comment